mamang payaso

mamang payaso,tingnan mo ang sarili mo.
sa pagpapatawa napaka husay mo,
bawat ngiti galing sa napapasaya mo
natutumbasan ang lungkot sa puso mo.

mamang payaso,
wag kang magalala
sapagkat hindi ka nila kilala,
na dating pumatay sa mayamang pamilya,
sa probinsya mong kinalakhan kaya pumunta ka sa maynila.

iniwan mo ang pamilya mo
ngunit natakasan mo ang kasalanan mo,
alam kong naiisip mo sila
sa mga gabing ika'y nangungulila.

mamang payaso
tingnan mo ang sarili mo
sa kulay at palamuti ika'y nagtatago,
ngunit umaalingasaw ang tunay mong anyo.
alam kong nagsisi ka at alam kong nahihirapan
ngunit yan lang ang paraan para matauhan ka,

isang gabi naglalakad ka galing sa isang kasiyahan,
suot mo pa ang kolorete sa iyong mukha.
ngunit kita sa iyong mukha ang luha sa iyong mga mata.

dun pala sa kasiyahang naganap
ay nakita mo ang iyong pamilya.
masayang masaya na parang walang problema.

lumuwas pala sila sa maynila
nakapangasawa ng amerikano,
sa forbes park na nakatira
kasama ang mga supling mo,

nakita mo si junior napakasaya,
at hinihipan ang espesyal na kandila.
habang ang asawa mo nama'y tuwang tuwa
kasama ang mga diyamanteng nakasukbit sa kaniyang tenga.

hindi ka makapaniwala sa iyong nakita.
kaya agad ka umalis at naglakad ng walang hanggan.
pag dating sa iyong tahanan ika'y tulalang
pumasok sa iyong kwarto at humiga sa kamang
walang pagmamahal para saiyo.

mamang payaso anong nangyari saiyo?
masaya ang itsura mo pero
umaalingasaw ang kalungkutan mo.